Tədqiqat Şurası

Tədqiqat Şurası çevik, çoxşaxəli, yenilik və dəyişikliklərə sürətlə uyğunlaşa bilən strukturdur. Onun gündəliyi həm reaktiv – ehtiyaclara cəld reaksiya verə bilən, həm də proaktiv olmalı, strateji inkişafları əvvəlcədən görərək onları konkret, addım-addım icra planlarına çevirməlidir. Şura yalnız büdcə müəyyənləşdirmə dövrlərində deyil, il ərzində fasiləsiz işlədiyi üçün özünün daxili iş proseslərini müəyyənləşdirməlidir. Bu öhdəliklərə daxildir: iclas formatları və tezliyini təyin etmək, üzvlər arasında vəzifələrin bölüşdürülməsi, eləcə də zərurət yarandıqda tematik işçi qruplarının yaradılması.

Həmsədrlər

Dr. Jean Marc Planeix, UFAZ-ın koordinatoru, Strasburq Universitetinin vitse-prezidenti
Dr. Dünya Babanlı, UFAZ-ın müəllim-koordinatoru, ADNSU-nun müəllim-tədqiqatçısı

Tədqiqatçı koordinatorlar

ADNSU tərəfdən:

Dr. Nigar İsmayılova, Kompüter elmləri üzrə tədqiqatçı koordinator
Dr. Rəşad Abbasov, Yer elmləri üzrə tədqiqatçı koordinator
Dr. Əli Əlizadə, Kimya mühəndisliyi üzrə tədqiqatçı koordinator

UNISTRA tərəfdən:

Dr. Sesiliya Zanni-Merk, Kompüter elmləri üzrə tədqiqatçı koordinator
Dr. Damien Lemarşan, Yer elmləri üzrə tədqiqatçı koordinator
Dr. Kristof Serra, Kimya mühəndisliyi üzrə tədqiqatçı koordinator

Digər iştirakçılar

Dr. Rüfət Əzizov, Azərbaycan Dövlət Neft və Sənaye Universitetinin (ADNSU) rektoru
Dr. Vazeh Əskərov, Azərbaycan-Fransız Universitetinin (UFAZ) icraçı direktoru
Dr. Martin Qodon, Azərbaycan-Fransız Universitetinin (UFAZ) baş katibi
Dr. Orxan Kərimzadə, ADNSU rektorunun müşaviri
Samra Şiriyeva, UFAZ Tədris Departamentinin müdiri
Dr. Mina Bağırova, UFAZ-ın tədqiqat işləri üzrə mütəxəssisi

Tədqiqat Şurası aşağıdakı məsələlər üzrə məsləhətlər verir:

Elmi strategiya: Tədqiqat proqramı və koordinasiya, komandaların tərkibi; laboratoriya ilə bağlı tədqiqat müqavilələri siyasəti; laboratoriyanın texnologiya transferi siyasəti və elmi məlumatların yayılması.

Resursların idarə edilməsi: Tələb olunacaq büdcə və onun komandalar arasında bölüşdürülməsi; tələb edilən insan resursları, tədqiqat vasitəsilə təlim siyasəti; bina və avadanlıqların bölüşdürülməsi, habelə onlardan istifadə üsulları.