UFAZ-da planlaşdırmanın idarə edilməsi mövzusunda infosessiya keçirilib

Karyera və liderlik üzrə təlimçi Fazilə Əsgərova 17 oktyabrda planlaşdırmanın idarə edilməsi mövzusunda məlumat sessiyası keçirib. Tədbirdə tələbələrə liderlik və idarəçilik bacarıqlarını inkişaf etdirmək üçün dəyərli strategiya və məlumatlar verilib.

Sessiya zamanı Fazilə Əsgərova planlaşdırmanın istiqamət və prioritetlərinin müəyyən edilməsində, qərar qəbulunun sadələşdirilməsində və mesajların effektiv çatdırılmasında oynadığı mühüm roldan bəhs edib. O, məqsədlərin qeyri-müəyyənliyini aradan qaldırmağa və konkret fəaliyyət planı hazırlamağa imkan verən “SMART” üsulunu təqdim edib

Sessiyanın sonunda iştirakçılar spiker ilə birbaşa ünsiyyət quraraq fərdi suallarını ünvanlamaq imkanı əldə ediblər. Bu tədbir tələbələr üçün praktiki biliklər əldə etmək və mühüm planlaşdırma bacarıqlarını təkmilləşdirmək baxımından əhəmiyyətli bir fürsət rolunu oynayıb.