UFAZ-da Gənclər Gününə həsr olunmuş tədbir keçirilib

31 yanvar 2025-ci il tarixində UFAZ-da 2 fevral “Gənclər Günü”nə həsr olunmuş tədbir keçirilib. Tədbir, sağlam qidalanma seçimlərini və davamlı yaşayış tərzini təşviq edən ekoloji fəaliyyətləri dəstəklədi. Tələbələr, eko meyvələrdən dadmaq, digər tələbələrlə əlaqə qurmaq və davamlı təcrübələr barədə məlumat əldə etmək imkanı qazandılar.Tədbir zamanı Karyera və Innovasiya Mərkəzləri də diqqət mərkəzində oldu və fəaliyyətlərini nümayiş etdirərək təşəbbüslərinə maraq göstərən tələbələrlə əlaqə qurdu.

Tədbir, uzunmüddətli əlaqələrin yaradılmasında, eyni zamanda tələbələri həm UFAZ-da, həm də geniş cəmiyyət təşəbbüslərində daha fəal olmaqda ruhlandırdı.Bütün iştirakçılara təşəkkür edirik və cəmiyyətimizə müsbət təsir göstərməyi hədəfləyən daha çox tədbirlərdə tələbələri cəlb etməyə ümid edirik!