UFAZ məzunları Ruslan Məlikov və İlkin Kərimli Hyuston şəhərində keçirilən IMAGE 2024 konfransında iştirak edib

UFAZ-ın Geofizika mühəndisliyi proqramının məzunu Ruslan Məlikov və Neft və qaz mühəndisliyi proqramının məzunu İlkin Kərimli Texas ştatının Hyuston şəhərində keçirilən nüfuzlu Tətbiqi Geologiya və Enerji üzrə Beynəlxalq Konfransda (IMAGE) iştirak edib.

IMAGE geoloqlar, xüsusilə geofiziklər üçün dünyanın müxtəlif ölkələrindən mütəxəssislərin toplaşdığı və sahədəki son yeniliklərin müzakirə olunduğu aparıcı tədbirlərdən biridir. Ruslan və İlkin WAVERITY şirkəti adından çıxış edərək bir neçə innovativ layihəni təqdim ediblər və konfransda ümumilikdə beş təqdimat nümayiş etdiriblər.

Bu platforma onlara təkcə qabaqcıl işlərini qlobal geologiya icması ilə bölüşmək imkanı yaratmayıb, həm də WAVERITY-ni sənaye liderlərinə tanıtmaq imkanı verib. Tədbir vacib müzakirələr və dəyərli fikirlərin mübadiləsi ilə yadda qalıb və hər iki gənc mütəxəssis üçün olduqca faydalı bir təcrübə olub.