UFAZ-ın təşkilatçılığı ilə “Gələcəyin təbəssümlərini gücləndirək!” adlı sosial layihə baş tutub

Azərbaycan-Fransız Universitetinin təşkilatçılığı ilə “Gələcəyin təbəssümlərini gücləndirək!” adlı sosial layihə baş tutub. “Caspian Entertainment Company” və “McDonalds” şirkətlərinin tərəfdaşlığı ilə baş tutan tədbir çərçivəsində aztəminatlı ailələrdən olan və valideyn himayəsindən məhrum uşaqlar üçün “Kinderland” uşaq əyləncə mərkəzinə ziyarət təşkil edilib. Həmçinin, uşaqlara hədiyyələr təqdim olunub. Layihənin məqsədi aztəminatlı ailələrdən olan və valideyn himayəsindən məhrum uşaqları sevindirmək, onlara yeni il ərəfəsində əyləncə dolu bir gün yaşatmaqdır. Qeyd edək ki, UFAZ müntəzəm olaraq bu cür sosial layihələr həyata keçirməkdədir.