3 ay, 1 həftə əvvəl
UFAZ tələbələri və məzunları CH4NGE komandası ilə SpinLab x SABAH.HUB ClimateTech Demo Gününün qalibi olublar.
UFAZ tələbələri və məzunlarından ibarət CH4NGE komandası, Bakıda keçirilən SpinLab x SABAH.HUB ClimateTech inkubasiya proqramının Demo Günündə qalib adını qazanaraq möhtəşəm bir uğura imza atıb.
Bu uğur, komandanın üç ay davam edən intensiv proqram çərçivəsində SpinLab mentorlarının dəstəyi ilə öz innovativ biznes ideyasını təkmilləşdirməsinin nəticəsidir. Demo Günündə CH4NGE komandası layihələrini yüksək səviyyəli münsiflər heyətinə təqdim edərək, SpinLab-ın Almaniyanın Leipzig şəhərində keçiriləcək Seçim Gününə vəsiqə qazanıb.
Komanda haqqında
CH4NGE komandası UFAZ məzunları və hazırkı tələbələrdən ibarətdir:
- •Kamal Əhmədov
- •Suad Əfəndiyeva
- •Rəna Əliyeva
- •Tamerlan İmanov
- •Pavel Kuznetsov
- •İbrahim Hüseynzadə
Növbəti mərhələ
CH4NGE komandası qazandıqları bu fürsət sayəsində SpinLab icması ilə əlaqə qurmaq, Leipzigin startap ekosistemini araşdırmaq və öz ClimateTech həllərini qlobal səviyyədə inkişaf etdirmək imkanı əldə edəcək.
UFAZ tələbə və məzunlarının bu böyük nailiyyəti ilə fəxr edir və onların uğurlarının davamını gözləyirik!
