“Startap gündəlikləri” layihəsinin ilk tədbiri çərçivəsində “4You”nun həmtəsisçisi Vüqar Əliyevlə görüş keçiriləcək

Tədbir haqqında

“Startap gündəlikləri” layihəsinin ilk sessiyası 30 sentyabr tarixində, saat 16:15-də UFAZ-da baş tutacaq. Tədbirin qonağı “4You” adlı sosial startapın təsisçisi və icraçı direktoru Vüqar Əliyev olacaq. Sözügedən startap peşəkar psixoloqlar və psixologiya mərkəzlərini dəstəyə ehtiyacı olan şəxslərlə birləşdirərək psixoloji xidmətləri daha əlçatan etməyi hədəfləyən bir layihədir. “4You” xidmət təminatçıları ilə dəstək axtaran şəxslər arasında körpü yaradaraq, psixoloji xidmətlərin demokratikləşdirilməsinə çalışır.

Qeyd edək ki, Vüqar Əliyev həmçinin SUP.VC şirkətində İnnovasiyalar üzrə menecer kimi də fəaliyyət göstərməkdədir.