UFAZ-da növbəti Karyera sərgisi

Azərbaycan - Fransız Universitetində (UFAZ) müxtəlif şirkətlərin iştirakı ilə növbəti Karyera sərgisi təşkil edilib. Sərgi zamanı tələbələr “BP” şirkətinin “Yay təcrübə proqramı”, “Kapital Bank”ın aktiv vakansiyaları haqqında məlumat sessiyalarında, “TWI Caspian Sea” şirkəti tərəfindən “Texniki təlimlər və xidmətlər” mövzusunda, “HR İnstitutu” “Uğurlu iş müsahibələri üçün faydalı strategiyalar” mövzusunda təqdimatlarda seminarında iştirak ediblər. Ümumilikdə, sərgiyə 35 şirkət və 500-dən çox tələbə və məzun qatılıb. Qeyd edək ki, sərgi UFAZ və ADNSU tələbələri və məzunları üçün nəzərdə tutulmuşdu. İştirakçılar tanınmış şirkətlər və onların təklif etdiyi imkanlar barəsində məlumat əldə edərək, peşəkar karyeralarına uğurla başlamaq şansı qazanıblar.