3 həftə, 2 gün əvvəl

UFAZ su ehtiyatları ilə bağlı panel müzakirəsi təşkil edib.

431474775_1004204894573382_9113091511382071000_n

UFAZ su ehtiyatları ilə bağlı qlobal çətinlikləri müzakirə etmək məqsədilə mütəxəssisləri bir araya gətirən panel müzakirəsi təşkil edib. Tədbirdə həmçinin UFAZ-ın yeni təsis edilmiş “Su ehtiyatlarının idarəedilməsi“ adlı magistratura proqramı təqdim olunub. Əvvəlcə UFAZ-ın İcraçı direktoru vəzifəsini müvəqqəti icra edən Lətifə Nəsibova iştirakçıları salamlayıb. Ardınca UFAZ-ın Baş katibi Yelizaveta Bidanova UFAZ tərəfindən təklif edilən magistr proqramları haqqında qısa məlumat verib.
UFAZ-ın proqram meneceri Klara Codri, SOCAR şirkətinin Ətraf mühitin idarə edilməsi şöbəsinin müdiri Mədinə Hacıyeva, Coğrafiya İnstitutunun aparıcı tədqiqatçısı Natavan Cəfərova, “Sustainera Solutions” şirkətinin biznesin inkişafı üzrə mütəxəssis Nərminə Əliyeva, Bakı Dövlət Universitetinin müəllimi Anar Nuriyev spikerlər arasında çıxış edib. Ardınca iştirakçıların sualları cavablandırılıb. Müzakirə, tələbələri və ictimaiyyəti su ehtiyatları ilə bağlı qlobal çağırışları həll etməyə qadir olan, bu sahədə əvəzolunmaz mütəxəssislər kimi fayda verməyə təşviq edən bir çağırışla sona çatıb.

431478328_1004204687906736_713874994264872291_n
431520949_1004204737906731_1976229242370038805_n