UFAZ nümayəndələri Quba və Qusar məktəblərində infosessiyalar keçiriblər

Fransız-Azərbaycan Universitetinin (UFAZ) nümayəndələri Quba və Qusar bölgələrinə səfər ediblər. Səfər zamanı 9, 10 və 11-ci sinif şagirdlərinə UFAZ-ın fəaliyyəti, təklif etdiyi ixtisaslar, eləcə də təhsilin təmin etdiyi üstünlüklər barədə ətraflı məlumat təqdim edilib.

Görüşlər Quba şəhəri Azad Məmmədov adına 2 nömrəli təbiət fənləri təmayüllü məktəb-liseydə, Quba rayonu Birinci Nügədi kənd Zəki Kərimov adına 1 nömrəli tam orta məktəbdə, Quba rayonu Alekseyevka kənd Rəhman Məmmədov adına tam orta məktəbdə, Qusar şəhəri Elxan Güləliyev adına 2 nömrəli tam orta məktəbdə və Qusar şəhəri Tofiq İsmayılov adına 6 nömrəli tam orta məktəbdə keçirilib.

Təqdimatlar zamanı UFAZ-ın təhsil modelinin üstünlükləri, beynəlxalq diplom əldə etmək imkanları və gələcək karyera perspektivləri vurğulanıb. Şagirdlər UFAZ haqqında maraqlı məlumatlar öyrənib, sonda keçirilən sual-cavab sessiyasında onları maraqlandıran mövzularla bağlı suallar veriblər.

Bu görüşlər şagirdlərin ali təhsil seçimlərinə dəstək olmaq və onlara müasir təhsil imkanlarını tanıtmaq məqsədilə təşkil olunub.