UFAZ-ın tələbələri "Siemens" Dayanıqlı Dizayn Hakatonunda 3-cü yeri qazanıblar

Azərbaycan-Fransız Universitetinin (UFAZ) tələbələri dekabrın 13-14-də keçirilən "Siemens" Dayanıqlı Dizayn Hakatonu 2025-də uğurla iştirak edərək kənd təsərrüfatı, ağıllı şəhərlər və bərpa olunan enerji sahələrindəki innovasiya və texniki bacarıqlarını nümayiş etdiriblər.

UFAZ-da “Kompüter elmləri” ixtisası üzrə təhsil alan Fəridə Orucova, İsmayıl Yusifli və Hümbət Camalovdan ibarət “Guardian-X” komandası 19 iştirakçı arasında keçirilən 48 saatlıq intensiv hakatonda 3-cü yerə layiq görülüb.

Nailiyyətlərinə görə komandaya 1 000 AZN pul mükafatı, sertifikatlar, mentor dəstəyi və “Siemens Digital Industries” ekosisteminə çıxış imkanı təqdim edilib. Hakaton iştirakçıları yaşıl və rəqəmsal iqtisadiyyatın inkişafını dəstəkləyən innovativ və dayanıqlı həllər üzərində işləməyə təşviq edib.

UFAZ komandasını göstərdikləri performans, dayanıqlı və rəqəmsal gələcəyin formalaşmasına verdikləri töhfələr münasibətilə ürəkdən təbrik edirik.