UFAZ tələbələri WUF13-də könüllü kimi iştirak ediblər

Azərbaycan-Fransız Universitetinin (UFAZ) tələbələri dayanıqlı şəhərsalma və urban inkişaf sahəsində dünyanın ən nüfuzlu beynəlxalq platformalarından biri olan Dünya Şəhərsalma Forumunun 13-cü sessiyasında (WUF13) könüllü kimi iştirak ediblər. Forum çərçivəsində müxtəlif ölkələrdən olan siyasətçilər, ekspertlər, alimlər və gənc liderlər şəhərlərin və cəmiyyətlərin gələcəyi ilə bağlı aktual məsələləri müzakirə etmək üçün bir araya gəliblər.

Könüllü fəaliyyətləri zamanı UFAZ tələbələri tədbirin təşkilati işlərinə dəstək göstərib, beynəlxalq iştirakçılara yardım edib və forumun uğurla həyata keçirilməsinə töhfə veriblər. Bu təcrübə tələbələrə beynəlxalq mühitdə işləmək, peşəkar bacarıqlarını inkişaf etdirmək, yeni əlaqələr qurmaq və dayanıqlı şəhərlərin inkişafı sahəsində qlobal müzakirələrdə fəal iştirak etmək imkanı yaradıb.