UFAZ-ın Karyera Mərkəzi “Yeni Nəsil Bacarıqlar” adlı Təlim Sessiyası Keçirəcək

Tədbir haqqında

Aprelin 15-də start götürəcək “Yeni Nəsil Bacarıqlar” proqramı 3-cü və 4-cü kurs mühəndislik və texniki elmlər üzrə təhsil alan tələbələr üçün karyera imkanlarını artırmaq məqsədilə unikal fürsət təqdim edir. Bu proqram dayanıqlılıq və enerjinin gələcəyi mövzularına fokuslanaraq tələbələrə həm texniki biliklər, həm də sənaye ilə əlaqəli yumşaq bacarıqlar qazandıracaq.

Müxtəlif ali təhsil müəssisələrindən seçilmiş 40 tələbə 4 həftəlik intensiv təlim prosesinə cəlb olunaraq dayanıqlılıq və liderlik sahəsində peşəkar bacarıqlarını inkişaf etdirəcəklər. İngilis dilində keçiriləcək proqram mühazirə, təqdimat və seminarlardan ibarət olacaq, interaktiv dərs mühiti yaradılacaq.

Həftədə iki dəfə - çərşənbə axşamı və cümə günlərində keçiriləcək sessiyalar ümumilikdə 20 saatlıq tədris prosesini əhatə edəcək. Rəsmi sertifikat əldə etmək üçün tam iştirak tələb olunur. Bu nüfuzlu sertifikat, proqramın tərəfdaş şirkətlərinin rəhbərləri və universitetin rektoru tərəfindən imzalanacaq.

Dörd həftəlik proqramın hədəfləri:

· Problemlərin həlli, liderlik və ünsiyyət bacarıqlarını gücləndirmək;

· Tələbələri enerji sektorundakı dayanıqlılıq problemləri ilə mübarizəyə hazırlamaq;

· Sürətlə dəyişən sənayedə uyğunlaşma və strateji düşünmə bacarıqlarını inkişaf etdirmək;

· Aparıcı sənaye mütəxəssisləri və məsləhətçiləri ilə şəbəkələşmə imkanları yaratmaq.

Sənaye ekspertlərinin təqdim edəcəyi sessiyalar:

Dayanıqlılıq və ESG (Sustainera)

· Tələbələr dayanıqlılığın əsasları və ESG prinsipləri barədə dəyərli biliklər əldə edəcək və gələcək ekoloji çağırışlara hazırlanacaqlar.

Enerjinin Sahəsinin Gələcəyi (Total Energies)

· Bərpa Olunan Enerji İnnovasiyaları – Günəş, külək, hidrogen və digər təmiz enerji mənbələrindəki yeniliklər araşdırılacaq.

· Enerji Sektorunda Dövri İqtisadiyyat – Tullantıların azaldılması, təkrar emal və dayanıqlı resurs idarəçiliyi strategiyaları müzakirə ediləcək.

Yumşaq Bacarıqlar Təlimi (Azərbaycan HR İnstitutu)

· Çoxşaxəli Komandalarda Effektiv Ünsiyyət – Beynəlxalq enerji layihələrində əməkdaşlığı artırmaq və mədəni fərqlilikləri nəzərə alaraq texniki məlumatları effektiv çatdırmaq bacarıqları inkişaf etdiriləcək.

· Mühəndislər Üçün Liderlik Bacarıqları – Qərarvermə, strateji düşüncə və komanda idarəetmə bacarıqları gücləndiriləcək.

· İş Yerində Münaqişələrin Həlli – Peşəkar mühitdə qarşıya çıxan çətinlikləri konstruktiv şəkildə idarə edərək məhsuldarlığı və komanda harmoniyasını qorumaq öyrədiləcək.

Təlimlərdə iştirak üçün qeydiyyatdan keçməyə tələsin!

Qeydiyyat linki: https://docs.google.com/forms/d/e/1FAIpQLSeX6ubZWlfNeieSK8ctG4WQdoz1tmTRiV5p2SK1RX-Gd22bYA/viewform

📅 Başlama tarixi: 15 aprel

⏳ Son qeydiyyat tarixi: 9 aprel

📍 Məkan: UFAZ, Nizami küç. 183