İqlim dəyişikliyi məsələləri üzrə ekoloji simpozium

Tədbir haqqında

26 sentyabr saat 16:00-da UFAZ-da "İqlim dəyişikliyi probleminə dair dayanıqlı həllərin araşdırılması" mövzusunda ekoloji simpozium keçiriləcək. Tədbir 102-ci otaqda baş tutacaq və ətraf mühitin davamlılığı ilə maraqlanan mütəxəssisləri, tələbələri, media nümayəndələrini, müəllim heyətini, sənaye mütəxəssislərini və ictimaiyyət nümayəndələrini bir araya gətirməyi hədəfləyir.

Simpoziumun əsas məqsədləri ətraf mühitlə bağlı vacib problemlər barədə məlumatlılığı artırmaq, ekspertlərlə cəmiyyət arasında davamlı təcrübələr barədə dialoqu gücləndirmək və həm yerli, həm də qlobal səviyyədə həyata keçirilə biləcək həll yollarını araşdırmaqdır. Bundan əlavə, tədbir mövcud ekoloji problemlərə diqqəti cəlb etmək və Azərbaycanda keçiriləcək, qarşıdan gələn COP29 konfransına dəstək vermək məqsədi daşıyır.

Proqram dörd əsas mövzu üzrə panel müzakirəsini əhatə edəcək:

• İqlim dəyişikliyi və onun ətraf mühitə təsiri
• Dayanıqlı inkişaf: SDG 7 və SDG 13
• Ətraf mühitə dost tullantı idarəetmə sistemləri və texnologiyaları
• Peşə təhsili: yaşıl bacarıqlar

Simpozium iştirakçıları həm fərdi, həm də kollektiv olaraq addımlar atmaq, daha davamlı bir gələcək qurmaq üçün mənalı dialoq və əməkdaşlığa ruhlandırmağı hədəfləyir.