UFAZ-ın “Su ehtiyatlarının idarəedilməsi” üzrə magistr tələbələri növbəti sahə təcrübəsində olublar

Azərbaycan-Fransız Universitetinin (UFAZ) “Su ehtiyatlarının idarəedilməsi” üzrə magistr proqramının tələbələri tədris prosesinin praktik hissəsi çərçivəsində sahə təcrübəsində iştirak ediblər.

Səfər çərçivəsində tələbələr Abşeron yarımadasının cənub hissəsində yerləşən Hövsan Aerasiya Stansiyasına baş çəkiblər. Bu səfər tələbələrə Abşeron yarımadasında yaranan çirkab suların böyük hissəsini təmizləyən sistemin necə qurulduğunu və işlədiyini daha aydın şəkildə öyrənmək imkanı verib.

Təcrübə zamanı tələbələr çirkab suların mexaniki və bioloji təmizləmə mərhələləri, aerasiya prosesləri, çökdürmə və dezinfeksiya kimi əsas mərhələlər haqqında ətraflı məlumat əldə ediblər.

Eyni zamanda, onlar real istehsalat mühitində istifadə olunan texnologiyalar və avadanlıqlarla tanış olaraq nəzəri biliklərini praktikada möhkəmləndiriblər.