UFAZ-da geodeziya və tektonik hərəkətlərə həsr olunmuş elmi seminar keçiriləcək

Tədbir haqqında

2025-ci il, dekabrın 12-də Azərbaycan-Fransız Universitetində (UFAZ) “QNSS məlumatlarının əhatəli təhlili əsasında Alp-Himalay zolağında yer qabığının hərəkət sürəti” mövzusunda Professor Frederik Masson tərəfindən elmi seminar keçiriləcək. Seminar geofizika, geologiya və təbii fəlakətlərin modelləşdirilməsi ilə maraqlanan tələbə və tədqiqatçıları bir araya gətirəcək.

Tədbirdə Alp-Himalay dağ silsiləsi boyunca yer qabığının hərəkət sürətinin ölçülməsi, böyük tektonik zonalarda deformasiya və zəlzələ riskləri müzakirə olunacaq. Professor Masson Qlobal Naviqasiya Peyk Sisteminin (QNSS) məlumatlarının istifadəsi və bu informasiyaların tektonik proseslərin anlaşılmasına töhfəsi barəsində ətraflı məlumat verəcək.

Seminar zamanı böyük miqyaslı QNSS məlumatlarının birləşdirilməsi və analizindən əldə olunan nəticələr təqdim ediləcək. Bu nəticələr Alp-Himalay zolağında səth deformasiya sürəti və zəlzələ aktivliyinin qiymətləndirilməsində mühüm əhəmiyyət kəsb edir.

Professor Masson Yer Elmləri Məktəbi və Müşahidə Laboratoriyası (EOST), Strasburq Yer və Ətraf Mühit İnstitutu (ITES), Strasburq Universiteti (UNISTRA) və Fransa Milli Elmi Tədqiqat Mərkəzində (CNRS) fəaliyyət göstərir. Onun araşdırmaları qitələrin toqquşması, rift zonaları və intrakontinental deformasiya sahələrini əhatə edir. Həmçinin, o QNSS məlumatlarından istifadə edərək atmosferin monitorinqi və yeraltı strukturların müşahidəsi üzrə tədqiqatlar aparır.

📌 Qeydiyyat linki: https://forms.office.com/r/x5Pkg9W7Vc?origin=lprLink
🗓️ Tarix: 12 dekabr
⏰ Saat: 16:15
📍 Məkan: Nizami küç. 183, UFAZ, 102-ci otaq