UFAZ haqqında

Azərbaycan-Fransız Universitetinin (UFAZ) yaradılması təşəbbüsü 2014-cü ildə Azərbaycan və Fransa Prezidentləri tərəfindən irəli sürülüb. 2016-cı ilin sentyabrında isə universitetdə tədris prosesi başlayıb. UFAZ layihəsinin əsas məqsədi Azərbaycan və Fransanın təhsil sistemləri arasında körpü yaratmaq, Azərbaycan təhsilini beynəlxalq standartlara uyğunlaşdırmaq, praktik və tədqiqat əsaslı tədris modelini tətbiq etmək, tədqiqat və sənaye sahələri üçün ikidilli mütəxəssislər yetişdirməkdir.